ኣብ ኣዲስ ኣበባ፣ 23 ለካቲት፣ 2017 (ኤፍ ኤም ሲ)መበል 129 በዓል ዓወት ዓድዋ “ዓድዋ ዓወት ፀለምቲ ህዝቢታት” ብዝብል መሪሕ ሓሳብ ኣብ ዝኽሪ ዓወት ዓድዋ ተኸቢሩ።
ፕሬዚዳንት ማሕበር ጀጋኑ ሓርበኛታት ጥንታዊት ኢትዮጵያ ልጅ ዳንኤል ጆቴ መስፍን ኣብ ምኽባር እቲ በዓል ኣብ ዘመሓላለፉዎ መልእኽቲ÷ ናይ ሕዚ ወለዶ ካብ ዓወት ዓድዋ ብምምሃር ኣብ ልምዓት ናይ ባዕሉ ዓወት ከመዝግብ ከምዘለዎ ሓቢሮም፡፡
ጀጋኑ ኣቦታትና እኖታትናን ኣብቲ እዋን ዝነበሩ ውሽጣዊ ፀገማቶም ንደሓር ብምባል ብሓድነት ናይ ወፃኢ ወራሪ ሓይሊ ብምስዓር ድሙቕ ታሪኽ ከምዝፀሓፉ ኣዘኻኺሮም።
“ናይ ሕዚ ወለዶ እውን ካብ ዓወት ዓድዋ ምትሕብባር ብምምሃር እናተሳለጡ ኣብ ዝርከቡ ስራሕቲ ህንፀት ሰላምን ልምዓትን ብንቕሓት ብምርብራብ ናይ ባዕሉ ዓወት ከመዝግብ ኣለዎ” ምባሎም ግዜኢ ፀብፂቡ፡፡