ዓለም ለኸ ፌዴሬሽን ጂምናስቲክ ንኢትዮጵያ ድጋፍ ከምዝገብር ገሊፁ

ኣዲስ ኣበባ፣ 25 መጋቢት፣ 2017 (ኤፍ ኤም ሲ)ንስፖርት ጅምናስቲክ ኢትዮጵያ ዝኸውን ደገፍ ፋይናንስን እታዎት ጅምናስቲክ ስፖርትን ከምዝገብር ዓለም ለኸ ፌዴሬሽ ጅምናስቲክ ኣፍሊጡ፡፡

ፕሬዚዳንት ዓለም ለኸ ፌዴሬሽን ጂምናስቲክ ሞሪናሬ ዋታናቤ ኣብ ኣዲስ ኣበባ ኣብ ዝተሃነፁ ዝተፈላለዩ ስራሕቲ ልምዓት ዑደት ኣካይዶም።

ኣብ ፃንሒቶም ምስ ሚኒስትር ባህልን ስፖርትን፣ ኮሚቴ ኦሎምፒክ ኢትዮጵያ፣ ፌዴሬሽን ጂምናስቲክ ኢትዮጵያን ኣመራርሓታት ፌዴሬሽን ጂምናስቲክ ኣዲስ ኣበባን ዘትዮም፡፡

ከምኡውን ኣብ ኣካዳሚ ስፖርት ኢትዮጵያ፣ ማእኸል ስፖርት መናእሰይ ኣዲስ ኣበባ፣ ዝኽሪ ዓወት ዓድዋን ካልኦት ማእኸላትን ተረኺቦም ጂምናስቲክ ዝካየደሎም ቦታታት ተዓዚቦም፡፡

እቶም ፕሬዚደንት ኣብ እዋን ዑደቶም ሕፅረት ናውቲ መስርሒ ጅምናቲክ ከምዘሎ ብምሕባር÷ንስፖርት ጅምናስቲክ ኢትዮጵያ ናይ ፋይናንስን ጅምናስቲክን ናውቲታት ስፖርት ደገፍ ከምዝገብሩ ገሊፆም፡፡

ፌዴሬሽን ጅምናስቲክ ኢትዮጵያ ዝጀመሮም ስራሕቲ ኣጠናኺሩ ክቕፅል ከምዘለዎ ምግንዛቦም ኣብ ሚኒስትር ባህልን ስፖርት ዝተረኸበ ሓበሬታ የረድእ፡፡