ኣዲስ ኣበባ፣ 19 ለካቲት፣ 2017 (ኤፍ ኤም ሲ)ዩኒቨርስቲ ዓዲግራት ኣብ ኣሜሪካ ካብ ዝርከቡ ሰብ ሞያ ጥዕና ተጋሩ ኣርባዕተ ዘበነዎት ተንቀሳቐስቲ ኣልትራሳውንድ ብሓገዝ ተረኪቡ።
እቲ ብሓገዝ ዝተረኸ ተንቀሳቓሲ ኣልትራሳውንድ÷ ልዕሊ ሰለስተ ሚልዮን ብር ዝግመት ከመዝኾነን ብዋናነት ኣብዚ ሕዚ እዋን ዘሎ ሞት ኣዴታት ንምንካይ ዝዓለመን ከምዝኾነ ተገሊፁ።
ኣብ ቀፃሊ እውን ተመሳሳሊ ሓገዝ ተጠናኺሩ ከምዝቕፅል ዝገለፃ ተወካሊት ማሕበራት ሰብ ሞያ ጥዕና ነበርቲ ኣሜሪካ ዶክተር ኣዮዳ ወረደ÷ ካልኦት ተጋሩ ዲያስፖራ እውን ነዚ ሰናይ ተግባር ክስዕብዎ ኣገንዚበን።
ኣብ ዩኒቨርስቲ ዓዲግራት ዲን ኮሌጅ ጥዕና ዶክተር የማነ ገብረማርያም÷ እቶም መሳርሒታት ኣልትራሳውንድ ንኣርባዕተ ዝተመረፃ ትካላት ጥዕና ዞባ ምብራቕ ብሓገዝ ከምዝወሃብ ብምሕባር ንዝተገበረ ሓገዝ ምስጋና ኣቕሪቦም።