ጉዕዞ ብራኸ ኢትዮጵያ ክነዕውቶ ኢና – ም/ቀ/ሚ ተመስገን ጥሩነህ

ኣዲስ ኣበባ፣ 25 ጥሪ፣ 2017 (ኤፍ ኤም ሲ)ጉዕዞ ብራኸ ኢትዮጵያ ክነዕውቶ ኢና ክብሉ ምክትል ፕሬዚዳንት ፓርቲ ብልፅግና ምክትል ቀዳማይ ሚኒስትር ተመስገን ጥሩነህ ገሊፆም፡፡

ምክትል ቀዳማይ ሚኒስትር ተመስገን ጥሩነህ ኣብ ማሕበራዊ ሚዲያ ገፆም፥ ፓርቲ ብልፅግና ዝነፀረ ሓሳቡን ትኽክለኛ ፖሊሲታቱን ብትጉህ ኣመራርሓን ኣባላቱን ብምፍፃም ብዘደምሙ ናይ ዓወታት ጉዕዙኡ ከምዝቐፀለ ሓቢሮም።

“ውድብና ድሕሪ እዞም ዓወታት ኣብ ዘካየዶ ካልኣይ ስሩዕ ጉባኤ ሃገርን ህዝቢን ንኽነገልግል ሓደራ ሂቡና ኢዩ” እውን ኢሎም።

“ብመሰረት እዚ ንሕና ድማ ጉዕዞ ምንስዕራር ኢትዮጵያ ድሌት ህዝብናን ንምዕዋት ቃልና ዳግም አሐዲስና ኣለና” ክብሉ ገሊፆም።

ኩለመዳይ ክብሪን ምዕባለን ዝተጎናፀፈት ኢትዮጵያ ንትውልዲ ንምርካብ ንፈተናታት እንተይተበዳህና ብዘይዕረፍቲ ከምንሰርሕ ንመላእ ህዝብና ከረጋግፅ ይደሊ ብምባል እቶም ምክትል ፕሬዚዳንት ፓርቲ ብልፅግና ቃል ኣቲዮም።