ኣዲስ ኣበባ፣ 14 ጥሪ፣ 2017 (ኤፍ ኤም ሲ)7ይ ዙር ካልኣይ መዓልቲ ፀወታታት ሻምፒዮንስ ሊግ ኣውሮፓ ሎሚ መዓልቲ ዝቕፅሉ እንትኾኑ ፒኤስጂ ምስ ማንቼስተር ሲቲ ዝገብረኦ ፀወታ ትፅቢት ይግበረሉ፡፡
ምሸት ሰዓት 2፡45 ኣርቢ ላይፕብዚግ ምስ ስፖርቲንግ ሊዝበን ከምኡ እውን ሻካታር ዶኔስክ ምስ ስታድ ብሬስት ክራኸባ ኢየን፡፡
ምሸት ሰዓት 5 ድማ ካብቲ ውድድር ናይ ምስንባት ሓደጋ ዘንፀላለዋ ጋንታ ማንቼስተር ሲቲ ኣብ ስታዲየም ፓርክ ዴ ፕሪንስስ ምስ ጋንታ ፒኤስጂ ክትገጥም ኢያ፡፡
በተመሳሳሊ ሰዓት ምሸት ሰዓት 5 ኣርሰናል ምስ ዳይናሞ ዛግሬብ፣ ኤሲ ሚላን ምስ ዢሮና፣ ሴልቲክ ምስ ያንግ ቦይስ፣ ፌይኖርድ ምስ ባየርንሙኒክ፣ ሪያል ማድሪድ ምስ ሬድ ቡል ሳልዝበርግ ከምኡ እውን ስፓርታ ፕራግ ምስ ኢንተር ሚላን ፀወተአን ከካይዳ ኢየን፡፡
ትማ ምሸት ኣብ ዝተገበሩ ፀወታታት ባርሴሎና ንቤኔፊካ 5 ን 4፣ ኣትለቲኮ ማድሪድ ንባየርሊቨርኩሰን 2 ን 1፣ ኣታላንታ ንስትሩም ግራዝ 5 ን 0፣ ሞናኮ ንኣስቶንቪላ 1 ን 0፣ ቦሎኛ ንቦሩሺያ ዶሩቱመንድ 2 ን 1፣ ሊቨርፑል ንሊል 2 ን 1፣ ፒኤስቪ ንሬድ ስታ ቤልግሬድ 3 ን 2 ከምኡ እውን ስቱትጋርት ንስሎቫን ብራቲስላቫ 3 ን 1 እንትስዕራ፤ ክለብ ብሩጅን ጁቬንቱስን ባዶ ባዶ ማዕረ ተፋላሊየን፡፡