ፕሬዚዳንት ታዬ እዋን ስረሖም ንዝዛዘሙ ኣምባሳደራት ኣሰናቢቶም

ኣዲስ ኣበባ፣ 19 ለካቲት፣ 2017 (ኤፍ ኤም ሲ)ፕሬዚዳንት ታዬ ኣፅቀስላሴ እዋን ስረሖም ንዝዛዘሙ ኣምባሳደር ኢንዶኔዥያ ኣልቡሲራ ባስኑርንን ኣምባሳደር ካዛኪስታን ባርሊባይ ሳዲኮቭን ኣሰናቢቶም።

እቶም ኣምባሳደራት ኣብ ኢትዮጵያ ኣብ ዝነበሮም ፃንሒት ክልተኣዊ ርክብ እተን ሃገራት ንምጥንኻር ንዝገበሩዎ ኣስተዋፅኦ እቶም ፕሬዚዳንት ኣመስጊኖም፡፡

ኢትዮጵያ ምስተን ሃገራት ዘለዋ ምትሕብባር ብዝበለፀ ዘጎልብቱ ዝተፈላለዩ ስምምዕነታት ንኽትፈራረም ምግባሮም ኣዘኻኺሮም።

በዚ ድማ ኣብ ዓውዲታት ኢኮኖሚ፣ ንግዲ፣ ትምህርቲ፣ ኢንቨስትመንትን ካልኦትን ጥንኩር ምትሕብባር ከምዝተፈጠረ ምግላፆም ግዜኢ ፀብፂቡ፡፡

እቶም ኣምባሳደራት ብግደኦም ሃገሮም ምስ ኢትዮጵያ ዘለወን ርክብ ብዝተፈላለዩ ዓውዲታት ብዝበለፀ ንኽሰፍሕ ግደኦም ከምዘበርክቱ ተዛሪቦም።