24 መጋቢት ካብ ተፀባይነት ምውፃእ ዘኽእል ምዕራፍ ልምዓት ዝተጀመረላ ታሪኻዊት ዕለት እያ ተባሂሉ

ኣዲስ ኣበባ፣ 24 መጋቢት፣ 2017 (ኤፍ ኤም ሲ)24 መጋቢት ኢትዮጵያ ስብራታት ብምሕካም ዘርፈ ብዙሕ ዓወታት ልምዓት ብምምዝጋብ ካብ ተፀባይነት ምውፃእ ዘኽእል ሓዱሽ ምዕራፍ ልምዓት ዝተጀመረላ ታሪኻዊት ዕለት ምዃና ብማዓርግ ምክትል ርእሰ ምምሕዳር ክልል ኦሮሚያ መተሓባበሪ ክላስተር ገፀር ኣዲሱ ኣረጋ ገሊፆም፡፡

ሃገራዊ ለውጢ ጋህዲ ዝኾነሉ 7ይ ዓመት ምኽንያት ብምግባር ነበርቲ ከተማ ኣዳማን ዞባ ምብራቕ ሸዋን ዝተሳተፉሉ ሰልፊ ድጋፍ ተኻይዱ፡፡

ኣይተ ኣዲሱ ኣረጋ ኣብቲ እዋን ኣብ ዘመሓላለፍዎ መልእኽቲ÷ 24 መጋቢት ህዝቢ ዓብዩ ዓወት ዝረኸበሉ ፣ኩለ መዳይ ማዕርነት ህዝቢታት፣ ሕውነትን ስጡም ዲሞክራስያዊ ስርዓት ንምህናፅ መሰረት ዝተነበረሉን ምዃኑ ተዛሪቦም፡፡

ድሕሪ ለውጢ ኣብ ክልል ኦሮምያ ዓበይቲ ሪፎርምታት ከምዝተገበረ ብምዝኽኻር÷ እዚ ድማ ዘበናዊ ኣወሃህባ ግልጋሎት ንምርግጋፅ ዕድል ከምዝፈጠረ ገሊፆም።

24 መጋቢት ኢትዮጵያ ስብራታት ብምሕካም ዘርፈ ብዙሕ ናይ ልምዓት ዓወታት ብምምዝጋብ ካብ ተፀባይነት ምውፃእ ዘኽእል ሓዱሽ ምዕራፍ ልምዓት ዝተጀመረላ ታሪኻዊት ዕለት ምዃና ገሊፆም ክብል ግዜኢ ፀብፂቡ።

 

Comments (0)
Add Comment