ኣዲስ ኣበባ፣ 26 መጋቢት፣ 2017 (ኤፍ ኤም ሲ)ይ ሓራዊ ኣኼባ ኮሚሽን ሚኒስትራት ኢትዮ-ኡጋንዳ ኣብ ኣዲስ ኣበባ ይካየድ ኣሎ፡፡
እቲ ሓበራዊ ኣኼባ ኮሚሽን ሚኒስትራት÷ ክልተኣዊ ምትሕብባር ክልቲአን ሃገራት ንምጥንኻርን ኣብ ዝተፈላለዩ ዓውዲታት ስምምዕ ንምፍፃምን ዝዓለመ ኢዩ ተባሂሉ።
ሚኒስትር ጉዳያት ወፃኢ ጌዲዮን ጢሞቲዎስ (ዶ/ር) ኣብቲ መድረኽ ኣብ ዘመሓላፉ መልእኽቲ÷ ኢትዮጵያ ቅድሚ ሕዚ ኣብ ዝነበሩ ኣኼባታት ኮሚሽን ሚኒስትራት ዝተበፅሑ ስምምዓት እናተግበረት ከምዝፀንሐት ተዛሪቦም።
ኣብቲ ዞባ ግብረ ራዕዲ ንምክልኻል ኣብ ዝግበር ፃዕሪን ኣብ ፍትሓዊ ተረባሕነት ሩባ ኣባይ ዘሎ ምትሕብባር ተጠናኺሩ ክቕፅል ኣብ ዝኽእለሎም ኣማራፂታት ኣብቲ መድረኽ ከምዝለዓሉ እውን ኣብሪሆም።
ሚኒስትር ጉዳያት ወፃኢ ኡጋንዳ ኦዶንጎ ጄጄ ኣቡበከር ብግደኦም ክልቲአን ሃገራት ኣብ ንግዲ፣ ሕርሻ፣ መሰረተ ልምዓትን ዘፈር ትራንስፖርትን ብሓባር ንምስራሕ ዘኽእሉወን ዕድላት ከምዘለዉ ኣብሪሆም።
ኣብቲ ኣኼባ÷ እቶም ሚኒስትራት ጉዳያት ወፃኢ ሓዊሱ ሚኒስትራት፣ ዲፕሎማሰኛታት እተን ሃገራትን መዳርግቲ ኣካላትን ተረኺቦም።
ብኣሸናፊ ሽብሩ