ብሔራዊ ምርጫ ቦርድ በተለያዩ አገራዊ ጉዳዮች ላይ ከፖለቲካ ፓርቲዎች ጋር ውይይት እያካሄደ ነው

አዲስ አበባ፣ የካቲት 10፣ 2014 (ኤፍ ቢ ሲ) የኢትዮጵያ ብሔራዊ ምርጫ ቦርድ ያዘጋጀው የፖለቲካ ፓርቲዎች የውይይት መድረክ በተለያዩ አገራዊ ጉዳዮች ላይ ምክክር በማድረግ ላይ ነው፡፡

የመድብለ ፓርቲ ግንባታ ፣ ምርጫ እና ምርጫ ነክ ጉዳዮች ፣ ሕገ መንግስታዊ ጉዳዮች፣ የዴሞክራሲ ተቋማት ግንባታ፣ የህግ የበላይነት እና የህግ አስፈጻሚ አካላት፣ የውጭ ጉዳይ ፖሊሲ፣ የሀገረ መንግስት  ምስረታ፣ የመልካም አስተዳደር እና ሌሎች ተያያዥ ጉዳዮች  ላይ ነው የፖለቲካ ፓርቲዎቹ ምክክር በማካሄድ ላይ የሚገኙት።

በፓርቲዎች ይቀርቡ የነበሩ አቤቱታዎችን ብሔራዊ ምርጫ ቦርድ ማጣራቱን አስታውቆ ፣የተጣራውን ሪፖርት ማቅረብም የውይይቱ አካል ሆኖ በአጀንዳነት ተይዟል ።

በምክክር መድረኩ ላይ የብሔራዊ ምርጫ ቦርድ ሰብሳቢ  ብርቱካን ሚዴቅሳን ጨምሮ ሌሎች የቦርዱ አመራሮች እና የፖለቲካ ፓርቲ አመራሮች እየተሳተፉ ነው።

በለይኩን ዓለም

ኢትዮጵያን፦ እናልማ፣ እንገንባ፣ እንዘጋጅ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!